Një avion pasagjerësh i shoqërisë ajrore irakiane “Iraqi Airways” nuk e bëri dot pagesën, kur u furnizua me karburant në aeroport.
Ndërsa kur autoritetet e aeroportit nuk i dhanë avionit leje për t’u nisur, piloti ndoqi një rrugë pak si të çuditshme.
Ai u kërkoi pasagjerëve që të mblidhnin 3 mijë dollarë, që duheshin për të plotësuar pagesën e plotë për furnizimin me karburant, shkruan portali TRT në shqip. Por udhëtarët refuzuan të mblidhnin para. Pastaj ndërhyri Ambasada e Irakut në Tunis dhe bëri pagesën e nevojshme.
Ambasada e Tunizisë në Bagdad njoftoi se shkaku i ngjarjes kishte qenë vonesa e pilotit në bërjen e pagesës, ndërsa sqaron se avioni nuk është konfiskuar nga autoritetet tuniziane.