Jehona e Shqipërisë si një nga vendet që duhet vizituar këtë verë vijon.
E përditshmja britanike Bolton News, në një artikull rendit vendin tonë si një nga destinacionet me të mira për pushime dhe gjithashtu më ekonomiket.
Duke renditur Ishujt e Ksamilit, qytetet e Sarandës dhe Vlorës, Bolton News e cilëson Shqipërinë si një nga “perlat e fshehura të Mesdheut”.
Gjithashtu duke renditur dhe një listë çmimesh për ushqimet dhe pijet, nënvizon faktin se në vendin tonë harxhohet më pak se destinacionet e tjera të rajonit.
Duke e krahasuar me vende si Kroacia, Italia apo Malin e Zi, Bolton News shkruan se vendi ynë mund të vizitohet nga çdo grupmoshë.
Me ambjente familjare por edhe jetë nate të kënaqshme, e përditshmja britanike radhit Shqipërinë mes 9 vendeve të tjera evropiane.
Ndërkohë një studim i fundit i Komisionit Evropian të Udhëtimeve tregoi se pothuajse tre të katërtat e britanikëve po planifikojnë të udhëtojnë për pushime gjatë gjashtë muajve të ardhshëm, pavarësisht presioneve të vazhdueshme financiare të krizës së kostos së jetesës.