Tritan Shehu ka reaguar ndaj vendimit të Kryetarit të grupit të PD-së, Enkelejd Alibeaj për të përjashtuar nga grupi parlamentar katër deputetë që janë pjesë e krahut të Sali Berishës.
Shehu e cilëson vendimin çmenduri dhe Alibeajn, patericë të Edi Ramës për të shkatërruar PD-në.
“Vetëm një njeri i çmendur mund t’i bëjë këto gjëra. Këto janë deliere të një deliranti, patericë e Ramës për të shkatërruar PD-në. Ky vendim është krejt i paligjshëm. Do të konsultohem me kolegët për hapat” tha ai.
Alibeaj vendosi të përjashtojë nga grupi Tritan Shehun, Oerd Bylykbashin, Belind Këlliçin dhe Agron Shehaj. Përjashtimi erdhi me argumentin se nuk janë distancuar nga aktet e dhunës së ndodhur një vit më parë në selinë e PD-së në 8 Janar.