Detaje të reja janë zbuluar nga vrasja e biznesmenit Kastriot Reçi, mëngjesin e sotëm në qytetin e Rrëshenit. Mësohet se Reçi është qëlluar nga tarraca e një pallati në një distancë rreth 150 metra.
Më pas ekzekutori i maskuar e ka lënë snajperin, me të cilin qëlloi 47-vjeçarin në zemër, në katin e parë të pallatit për t’u larguar më pas në këmbë.
Por ekzekutori nuk është treguar shumë i kujdesshëm pasi është kapur nga një kamera sigurie në zonë, por identifikimi është i vështirë pasi vrasësi ka pasur maskë në kokë. Nga ana tjetër gruaja e tij ka mohuar faktin që bashkëshorti i saj ka pasur konflíkte me persona të tjerë që mund të kenë dashur ta elímínónin.
Vrasja ka ndodhur sot në qendër të qytetit të Rrëshenit, ku është ekzekutuar biznesmeni Kastriot Reçi. Ngjarja ka tronditur qytetarët, pasi ka ndodhur shumë pranë komisariatit të Policisë në këtë qytet. Pistat, ku po hetohet janë dy. E para, ajo e hakmarrjes për shkak të një vrasje të vitit 2016, ku u vra ish-drejtori i OSHEE-së, dhe e dyta, ajo e prishjes së pazareve të drogës.