Ministri i Bujqësisë në Kosovë, Faton Peci e etiketoi Behgjet Pacollit “politikan të Kremlinit”.
Presidenti i Aleancës Kosova e Re iu është përgjigjur akuzave në një intervistë për “Indeksonline”. Pacolli u shpreh se Peci ka qenë disa herë në shtëpinë e tij dhe nuk e di nëse edhe atëherë Peci ndante të njëjtën mendim, që kreu i AKR-së është politikan i Kremlinit.
“Ai ka ardhur sigurisht për ndonjë interes që ka pas për mu. Nëse ai thotë se jam i Kremlinit, mjerisht ai qenka i mjerë ose gënjen dhe e din që është duke gënjyer. Unë s’jam i Kremlinit. Prej vitit 2004 e tutje, unë në Kosovë, kam dhuru mbi 40 milionë euro jo investu, por dhuru. Këto janë mundësi që kurrë s’mund t’i arrij, ai e din këtë. Hapësirat ku ulët në Kuvend është bërë prej donacionit tim, zyret e kryetarit e Kuvendit, ai nëse shkon të shefja e vet (presidentja) prap është donacion i mi edhe të ministrja e Jashtme.”