Policia e Barit bëri kontrollin rutinë të automjetit të dy shqiptarëve nga Kosova, por ka shtangur nga ajo që ka gjetur në bagazh.
Mediat italiane bëjnë të ditur se ata kanë gjetur një trup të pajetë në bagazhin e mjetit të tyre në portin e Barit, i cili po imbarkohej në tragetin e linjës së Shqipërisë.
Nga të dhënat paraprake u bë me dije se viktima kishte gjetur vdekjen për shkaqe natyrale, gjë që u konfirmua edhe nga ekspertiza mjeko-ligjore. Trupi ishte mbështjellë me një çarçaf dhe ishte futur brenda një kutie në bagazhin e makinës.
E gjitha kjo mendohet të jetë bërë për të shmangur procedurat doganore të cilat në të tilla raste kushtojnë mijëra euro.