Një 24-vjeçar shqiptar është masakruar me thikë në qytetin e Milanos në Itali. Ngjarja e rëndë ka ndodhur midis të martës dhe të mërkurës në veriperëndim të Milanos në rrugën Marcon.
Mediat lokale italiane shkruajnë se 24-vjeçari ishte në gjendje të dehur kur ndodhi sulmi. Ai është goditur me thikë nga disa persona, të cilët më pas janë larguar para se të mbërrinte ambulanca.
24-vjeçari ka marrë plagë në shpatull dhe në gjoks, ndërsa aktualisht ndodhet në reanimacion në spital.