Një shqiptar ka humbur jetën në mënyrë tragjike mëngjesin e sotëm, pasi u përfshi në një aksident të rëndë në Brescia të Italisë. Ngjarja tronditëse ndodhi pak para orës 11:00.
Për pasojë, një makinë është përplasur me një kamion që kishte ngadalësuar shpejtësinë, raportojnë mediat italiane.
Përplasja ka rezultuar fatale për 42-vjeçarin me origjinë shqiptare që drejtonte makinën, i cili ka humbur jetën. Në vendngjarje kanë ndërhyrë ambulancat, zjarrfikësit dhe policia rrugore. Deri më tani nuk dihet identiteti i shqiptarit, ndërkohë që policia po heton rreth ngjarjes.