Duke i’u referuar “News Medical”, njerëzit që mbajnë syze janë më pak të rrezikuar për t’u infektuar me Covid-19. Por, sipas një studimi të madh britanik, e njëjta gjë nuk është e vërtetë për lentet e kontaktit, të cilat nxjerrin në pah rëndësinë e syve kur koronavirusi hyn në trup.
Disa studiues të Kolegjit Universitar të Londrës analizuan të dhënat për 19,166 njerëz dhe duke marrë parasysh faktorë të tjerë rreziku, ata dolën në përfundimin se risku i infektimit është 15 % më i ulët për ata që mbajnë syze.
Theksohet se efekti mbrojtës i syzeve zvogëlohet tek ata që deklaruan se syzet i pengojnë të mbajnë mirë maskën, ndërsa nuk u konstatua asnjë përfitim mbrojtës për ata që përdorin rregullisht lentet e kontaktit.