Mediat indiane raportojnë sot se është ndarë nga jeta aktorja Sangeeta Srivastava, e njohur për rolin e saj në serialin “Si ta quaj këtë dashuri”, i transmetuar në TV Klan.
Sangeeta vuante nga një sëmundje auto-imune e njohur si vaskuliti. Ajo është dërguar në spital në gjendje të rëndë dhe nuk ka mundur ta fitojë betejën me këtë sëmundje. Aktorja fitoi zemrat e publikut me rolin e saj në serialin “Si ta quaj këtë dashuri”, ku luanin edhe aktorët e njohur Barun Sobti dhe Sanaya Irani.
Kolegë të shumtë kanë shprehur ngushëllimet për ndarjen nga jeta të aktores përmes postimeve në rrjete sociale.