22-vjeçarja shqiptare Ilaria Sula, ishte raportuar e zhdukur prej 25 marsit në Romë. Ajo është gjetur e vdekur në një zonë të pyllëzuar në Poli. Trupi i saj ishte futur në një valixhe. Disa persona që frekuentojnë një zonë pyjore në Poli, e kanë gjetur të renë pa shenja jete, e mbyllur brenda një valixheje të hedhur në një humnerë.
E reja kishte pasur së fundmi një lidhje me një shtetas filipinas, i cili është identifikuar. Mark Samson dyshohet se e ka goditur me thikë disa herë Ilarian në apartamentin e tij dhe më pas ka tentuar të zhdukë trupin.
Pas vrasjes Samson ka vazhduar të përdorë telefonin e saj për të dërguar mesazhe dhe për të postuar në rrjetet sociale. Kjo duke krijuar idenë se ajo ishte ende gjallë.
Rektorja e universitetit, Antonella Polimeni, e cilësoi ngjarjen si një vrasje të tmerrshme që ka lënë të gjithë pa fjalë. ”Në këtë moment dhimbjeje, jemi pranë familjes së Ilaries dhe gjithë komunitetit tonë studentor”,-u shpreh ajo. Autoritetet po vazhdojnë hetimet për të zbardhur plotësisht këtë krim të rëndë dhe për të sjellë drejtësi, ëndrrat e së cilës u shuan në mënyrën më tragjike.