Gjykata spanjolle ka dënuar ish trajnerin e Manchester United, Joze Mourinho, me 1 vit burg, nën akuzën e evazionin fiskal. Dënim të cilit Mourinjo i ka shpëtuar duke pranuar të paguajë një gjobë prej 182,500 €.
Shifra do t’i shtohet një gjobe tjetër me vlerën e 2 milion euro. Ai u akuzua se kishte shmangur 3.3 milion euro detyrime që prej kohës kur menaxhonte Real Madridin në periudhën 2011-2012. Prokurorët thanë se ai krijoi degë të shumta biznesi në Ishujt e Virgjër Britanikë dhe në vende të tjerë me qëllim menaxhimin e të drejtave të tij të imazhit.
Mourinho është personaliteti më i fundit i botës së futbollit që arriti një marrëveshje me autoritetet spanjolle, të cilat po përpiqen të godasin evazionin fiskal nga shumë lojtarë të vendit. Pak kohë më parë në janar, Cristiano Ronaldo, pranoi një gjobë prej 18.8 milion euro e cila u konvertua me dënimin e burgimit me 23 muaj , në një rast të ngjashëm , për evazion fiskal.
Në atë kohë midis 2010 dhe 2014 futbollisti me famë botërore luante për Real Madridin ndërsa Mourinho trajneri i skuadrës po vepronte në të njëjtën mënyrë duke shmangur detyrimet ndaj shtetit. Një tjetër ish-yll i Real Madridit, Ksavi Alonso, gjithashtu përballet me akuza për evazion fiskal për rreth 2 milion euro, megjithëse ai ka hedhur poshtë akuzat.
Marcelo Vieira, i cili ende luan për klubin, pranoi një dënim vitin e kaluar në lidhje me përdorimin e firmave të huaja për të fshehur pothuajse gjysëm milioni euro , edhe ky vendim u konvertua me një gjobë .Lojtarët e Barcelonës Lionel Messi dhe Neymar gjithashtu kanë qenë të përfshirë në betejat ligjore me autoritetet tatimore spanjolle.