Godberg Kuper, sulmuesi i Kukësit, ka qenë së fundmi objekt i një çështje disiplinore para FIFA-s. Për fat, nuk bëhet fjalë për klubin e tij aktual, duke evituar sanksione të tjera të mundshme për Kukësin në një vit ku janë ndëshkuar masivisht klubet e Superiores për shkelje të marrëveshjeve kontaktuale,
Kuper ka qenë palë e interesuar në gjyqin mes dy ish-klubeve të tij, Vianense dhe Shafhauzen. Klubi portugez i Vianense, ka dërguar në FIFA klubin e Shafhauzen, pasi nuk i ka paguar kompensimin për stërvitjen e lojtarit gjatë një viti, duke kërkuar dëmshpërblim nga zviceranët. Sipas infomacioenev që ka VIP Sport, portugezët kishin kërkuar fillimisht edhe nga Kukësi, por pastaj janë tërhequr kur kanë mësuar se lojtari është në huazim nga klubi zviceran.
Çështja është gjykuar në komisionet e FIFA-s dhe klubi i Shafhauzen, ku ai firmosi në qershor 2019, u ndëshkua me pagesën e 21205 eurove sipas rregullave të FIFA-s për vlerat e kompensimit të stërvitjes, plus kamatëvonesën 5% për mospagesën gjatë këtij viti të detyrimit financiar. Vetë Kuper ka evituar sanksione, pasi lojtari nuk cilësohet përgjegjës që klubi i tij, i cili e huazoi pak muaj më vonë te Kukësi, nuk kishte paguar detyrimet sipas rregulloreve të FIFA-s.