Prej shumë vitesh, natyralizimi i lojtarëve është bërë pjesë e futbollit në të gjithë botën. Ai që në fillim ishte një proces që më shumë u përkiste vendeve të cilat kishin vështirësi të gjenin lojtarë cilësorë e natyralizonin nga vende të tjera, tani është shtrirë gjerësisht në të gjitha përfaqësueset. Listës i është shtuar së fundmi edhe Meksika, një shtët me shumë traditë në futboll, që ka nisur procesin e natyralizimit të një sulmuesi argjentinas.

Tata Martino, trajneri argjentinas i Meksikës, i ka kërkuar Federatës që kjo e fundit të vihet në lëvizje për të mbyllur sa më shpejt dokumentacionin e Rogelio Funes Mori, sulmues i njohur i cili ka të kaluar edhe në Europë ku ka luajtur me Benfikën. Martino e njeh prej vitesh 30-vjeçarin dhë fakti që ai luan për Monterrei në Meksikë që nga viti 2015, ka bërë më të thjeshtë plotësimin e dokumentacionit.

Funes Mori do të jetë kështu sulmuesi i ri i Meksikës dhe pritet që të ndihmojë këtë përfaqësuese që të bëjë një rrugëtim të qetë drejt Botërorit 2022, e ndoshta edhe të jetë protagoniste atje.

PËRGJIGJU

Please enter your comment!
Please enter your name here