Farmacitë në Zvicër po nxjerrin në shitje kanabis si pjesë të hulumtimit të ri për rregullimin e drogës.
Studimi i ashtuquajtur “Weed Care”, e që do të fillojë më 15 shtator, do t’iu lejojë 370 pjesëmarrësve të blejnë ligjërisht produkte nga nëntë dispanseri në Bazel. Ky studim do të trajtojë pyetjet politike në lidhje me rregullimin e mundshëm të kanabisit, i cili është i paligjshëm në Zvicër, me përjashtim të rasteve mjekësore.
“Pyetja e parë kërkimore është nëse konsumi ndryshon nëse konsumohet më shumë, më pak apo e njëjta sasi. Ne po hetojmë gjithashtu nëse gjendja mendore apo shëndeti fizik ndryshon kur konsumohet kanabisi nga farmacitë”, bëri me dije kreu i departamentit të varësisë në Universitetin e Bazelit, Regine Steinauer.
Pjesëmarrësit e hulumtimit zgjidhen nëse përdorin aktualisht kanabis dhe duhet të kryejnë anketa gjatë gjithë studimit 30-mujor. Ata mund të blejnë produkte të ndryshme kanabisi me 8 deri në 12 euro për gram. Por pjesëmarrësit duhet gjithashtu t’u përmbahen kufizimeve mujore se sa kanabis mund të blejnë.