Deputeti i PD-së Edi Paloka, ka reaguar pasi kryetarja e Kuvendit, Lindita Nikolla prezantoi si kryetar të Grupit Parlamentar të PD, Lulzim Bashën. Ai iu drejtua Nikollës duke i thënë se kjo situatë është qesharake dhe se nuk mund të pranohen një kryetar që vetëzgjidhet.
“Sot dua t’ju vë para një situate të tillë se po shoh se nuk po e kuptoni… nëse nesër unë mbledh 2 mijë vet në një sallë dhe e quaj Kuvend të PS dhe zgjidhem kryetar, sekretar e të tjera me ‘ar’ prapa, dhe u them se jam kreu i grupit të PS, çfarë do bënit ju? Kuptoje kështu dhe mos u bëni qesharake si ata. Vjen dikush që u thotë se jam zgjedhur kryetar i PS dhe ju e pranoni”, u shpreh Paloka.
Pas ndryshimeve në statut, Basha i dha më shumë pushtet vetes së tij, duke përcaktuar se në rastet ky Partia Demokratike do të jetë në pozitë atëherë kreu i grupit do të jetë kryetari i partisë.