Trajneri i kombëtares shqiptare, Edi Reja doli në konferencën për shtyp në prag të ndeshjes së nesërme kualifikuese ndaj Moldavisë.
“Ishim pak nervoz pas ndeshjes me Turqinë për rezultatin më shumë se sa për ndeshjen që zhvilluam. E rëndësishme është që të mbajnë këtë ritëm, pasi rezultatet do të vijnë. Kemi nevojë që të kemi edhe një vazhdimësi edhe në rezultate jo vetëm në lojë.
“Për tu përballur me një trajner me të njëjtën eksperiencë si e imja është e vështirë. Na ka studiuar dhe besoj se do të na ketë ngritur ndonjë grackë. Si synim kemi vendin e dytë deri në fund të kualifikueseve. Ai mbetet objektivi ynë primar dhe do të tentojmë që të marrim pikë të plota në të gjitha takimet e mbetura,” tha mes të tjerash italiani 73 vjeçar.