Sot në Berlin u nënshkruan tre marrëveshje mes liderëve të Ballkanit Perëndimor, të bekuara nga Samitit i Procesit të Berlinit. Ish-negociatorja e Kosovës në dialogun me Serbinë, Edita Tahiri, thotë se me nënshkrimin e 3 marrëveshjeve të para në kuadër të Procesit të Berlinit, merr fund projekti i Ballkanit të Hapur, një nismë e ndërmarrë nga Shiqpëria, Serbia dhe Maqedonia e Veriut.
“Vuçiç sot nuk pati fytyrë të marrë pjesë në Samitin e Procesit të Berlinit për dy arsye: e para, një kërcënues i hapur i sigurisë dhe stabilitetit me mjete ushtarake nuk ka vend në një samit që synon paqen dhe stabilitetin e qëndrueshëm në Ballkan dhe arsyeja e dytë është që sot mori fund projekti hegjemon serb “Ballkani i Hapur”.
Përfundimisht mbizotëron Procesi i Berlinit për Ballkanin Perëndimor të gjashtë vendeve. Për ngarendësit e “Ballkanit të Hapur” që prodhoi një tandem të çuditshëm “Rama-Vuçiç”, tashmë mbaroi ky projekt i dëmshëm serbo-rus”, shkroi Tahiri në llogarinë e saj në Facebook.