Ish-ministri i Bujqësisë, Edmond Panariti i ftuar në emisionin “Me Xhaxhiun” ka folur për problemet që po kalon Shqipëria në bujqësi dhe blektori.
Sipas Panaritit, qeveria në periudha të caktuara të vitit duhet të ndalojë importin ose t’i vendosë taksë të lartë prodhimeve të huaja pasi vetëm në këtë mënyrë mbron fermerin dhe produktet e vendit tonë. Gjithashtu Panariti i bëri thirrje qeverisë që të japë subvencione për fermerët dhe blektorinë.
“Unë mendoj se cdo shtet i përgjegjshëm kryen politika mbrojtëse që në kulmin e pikut të prodhimit vendas mundet që në një marrëveshje të ulë traun ose të taksojë rëndshëm importet. Këtë gjë e bën edhe Zvicra për sa kohë ka pa shitur prodhimin vendas.
Bujqësia shqiptare rrezikon të shtypet nga mbështetja shumë e ulët financiare me subvencione shumë të pakta gati inegzistente dhe nga kostoja shumë e lartë e prodhimit.
Qeveria gjithashtu të vendosë disa masa mbrojtëse duke bllokuar importin pasi po shkojmë drejt asgjësimit të bujqësisë”, tha Panariti.