Një efektivi të policisë i ka rënë të fikët gjatë tubimit të opozitës para Bashkisë Tiranë.
Ai është rrëzuar në tokë teksa PD zhvillonte protestën e radhës, ndërsa në ndihmë i kanë ardhur qytetarë e kolegë.
Efektivi më pas është transportuar drejt spitalit me makinën e policisë.
Belind Këlliçi, i cili po mbante fjalën gjatë kohës kur ndodhi incidenti, i uroi efektivit shërim të shpejtë, ndërsa shprehu se Policia e Shtetit është institucioni më i keqtrajtuar.
“I uroj shërim të shpejtë për efektivin që humbi ndjenjat! Policia e Shtetit më e keqtrajtuara si institucion. Shkëlqejnë këtu aferat korruptive, me në krye Palrent Ndrecën, që një kapele të policëve e tenderonte 350 euro, ndërkohë me rrogat që kanë nuk ushqejnë dot familjes së tyre. Nuk jemi këtu për të protestuar kundër policisë së shtetit, por për paratë e vjedhura të fëmijëve të tyre”, tha Këlliçi.