Arkeologët në Egjipt dolën në një konferencë për shtyp ditët e fundit dhe njoftuan për një zbulim të madh që kanë bërë në qytetin epik të Luksorit.
Sipas Ministrisë së Antikitetit, bëhet fjalë për 20 sarkofagë antike druri që u zbuluan gjatë ekspeditës së fundit në nekropolin teban të Asasifit në brigjet perëndimore të lumit Nil.
Ministria e konsideroi këtë zbulim si më të madhin dhe më të rëndësishmin e viteve të fundit dhe detaje të mëtejshme do të jepen për këtë ngjarje ditën e shtunë.
Pjesa më e madhe e varreve në nekropolin e Asasif, që ndodhet pranë Luginës së Mbretërve, i përkasin periudhës së vonë të Egjiptit të Lashtë rreth viteve 664-332 përpara Krishtit.