Instituti i statistikave raporton se ekonomia e Shqipërisë ka pësuar një rritje me 4,35 % nga janari në shtator të 2018-s, krahasuar me të njëjtën periudhë të vitit 2017. Sipas INSTAT-it, kontributin kryesor në rritjen ekonomike e ka dhënë tregtia, industria përpunuese e sektori energjitik, si edhe grupi i aktiviteteve hotele restorante dhe transporti.
Dega kryesore që ka udhëhequr këtë zgjerimin ekonomik për tremujorin e tretë të vitit 2018, krahasuar me tremujorin e tretë të vitit 2017 është Aktiviteti i Bujqësisë, Pyjeve dhe Peshkimit, që pati një rritje me 1,48 %. Thuhet se një ndër sektorët që ka patur një kontribut real ka qenë energjia elektrike, e cila ka ndikuar në rritjen reale të PBB-së me 1,32 pikë përqindje.
Sipas raportit të Instat, një rol kryesor në ndikimin e kësaj rritjeje ka patur Industria Përpunuese dhe Energjia Elektrike, të cilat u rritën përkatësisht me 4,52 % dhe 79,12 %.
Gjithashtu, duke patur parasysh bazën vjetore informohet se aktiviteti i Ndërtimit pati rritje me 5,42 %, bashkë me grupin e aktiviteteve Tregti,Transport, Akomodim dhe Shërbim ushqimor pati të cilat shënuan një rritje prej 5,92 %, i ndikuar kryesisht nga Akomodimi dhe Shërbimi Ushqimor, i cili shënoi rritje me 20,11 %. Sa i përket grupit të aktiviteteve të Informacionit dhe Komunikacionit, shfaqet me një rënie prej 5,81 %.