Mungesa e një qartësie në lidhje me hapat që do të ndërmarrë opozita, ka detyruar aleatët që të zbarkojnë tek Basha. Ata kërkojnë më tepër informacion prej kreut demokrat dhe të mos jenë thjesht noterë. Ata i kanë kërkuar Bashës të qartësojë pozicionin e tij në lidhje me këtë çështje dhe të mos jenë në të njëjtën situatë sikurse u ndeshën në zgjedhjet e përgjithshme të 2017-n kur nuk patën kohë për të garuar.
Edhe një prej aleatëve më besnikë të së djathtës, Dash Shehi ka qenë dje në selinë e PD-në për të takuar Bashën.
Por sikurse konfirmojnë burime për tirananews.al, Shehi nuk ka mundur që ta takojë. Edhe pse ai ka pritur për një kohë të gjatë, në fund është detyruar që të largohet.