Kryetarja e LSI, Monika Kryemadhi ka reaguar lidhur me inpektimin e inceneratorëve nga Komisioni Hetimor.
Kryemadhi i cilëson si ekskursione vizitat e deputetëve të PD në vend ndërtimet e inceneratorëve. Ajo thekson se këto kontrolle janë të panevojshme për zbardhjen e të vërtetës.
“Video eskursionet e deputetëve në vend ndërtimet e inceneratorëve, që zbarkojnë në mënyrë pompoze, si të jenë oficerë policie në vendin e krimit, janë tërësisht të panevojshme për zbardhjen e të vërtetës.
Ky grup i strukturuar kriminal me zyrtarë shtetëror, i përfshirë tek afera e inceneratorëve, e ka konsumuar veprën penale nga komoditeti i karrigeve të tyre në zyrat e shtetit! Faktet, që LSI ka bërë publike prej kohësh, nuk gjenden duke parë muret e kapanoneve por janë lehtësisht të aksesueshme nëse lexohen letrat e procedurës dhe ndiqet rruga e parave”, shkruan Kryemadhi.