Eksperti Redion Qiriazi komentoi në një intervistë për Euronews Albania konfliktet në Lindjen e Mesme. Ai tha se konfliktet në këtë rajon kanë rrënjë të thella historike, politike e fetare të cilat kanë mbetur të pazgjidhura në dekada.
Qiriazi u shpreh se popullariteti i Netanjahut dhe mbështetja në qeveri është në rritje dhe kjo ka ndodhur menjëherë pas sulmit ndaj Iranit, duke bërë që edhe opozita të jetë krah për krah me Netanjahun.
“Pakënaqësitë e të prekurve nga familjarët e të rrëmbyerve është shprehur në mënyrë të vazhdueshme. Nëse do shohim sondazhe brenda për brenda vendit në lidhje me popullaritetin e Netanjahut dhe mbështetjen në qeveri, shohim se ka qenë në rritje. Në veçanti ka ndodhur menjëherë pas sulmit që bëri Irani ku pamë që u ngrit diku më 15% dhe madje opozita ishte krah për krah me Netanjahun duke thënë që tani kemi një detyrë për ta kryer së bashku dhe po e shtynin kryeministrin të vazhdonte më tej. Qoftë opozita apo partia në pushtet ato kanë një lidhje të fortë bashkë në aspektin e mbrojtjes ushtarake dhe e kuptojnë rëndësinë për të reaguar në situata të tilla”, tha Qiriazi.