Vijojnë hetimet intensive për zbardhjen e vrasjes së 40-vjeçarit Hekuran Billa dhe identifikimin e autorëve. Bëhet me dije se janë shoqëruar nga policia dhjetëra persona. Është komisariati numër 2 që ka marrë në pyetje një numër të madh personash, dëshmitarë dhe të dyshuar. Madje policia ka dyshime të forta se mes tyre është dhe autori i vrasjes. Në orët në vijim pritet dhe një komunikim zyrtar nga policia. Hekuran Billa, 40 vjeç u vra mbrëmjen e djeshme në orën 22:00 teksa ndodhej në makinën e tij tek “Komuna e Parisit”. Pas vrasjes makina e autorëve u gjet e djegur në Prezë të Vogël dhe brenda saj dhe arma e krimit e dëmtuar nga zjarri.
Postime te ngjashme
Add A Comment