Ish-kryeprokurorja e Tiranës, Elisabeta Imeraj thotë se vrasja e ish policit Gentjan Bejtja ka ndodhur në një zonë që është nën kujdesin e posaçëm të grupeve kriminale.
E ftuar në emisionin “Open”, Imeraj u shpreh se kjo ngjarje kriminale ka qenë e mirëstudiuar nga ana e autorëve, duke u nisur edhe në rrethanat si ka ndodhur krimi.
“Është një personazh që ka gjetur vdekjen si rezultat i përfshirjes së tij në shumë ngjarje kriminale, duke filluar që nga viti 2013. Çfarë na bën ne të nënkuptojmë është se situata ka ardhur si rezultat e përplasjes së grupeve kriminale që kanë dashur të vijë pasoja.
Po ti referohemi dinamikës së ngjarjes, zona është studiuar mirë. Vrasja ka ndodhur në banesën e tij. Kjo do të thotë se gjithë lëvizja ka qenë e mirëstudiouar.
Ajo që të bën përshtypje është zona në të cilën ka ndodhur ngjarje. Që dëshmon që një zonë e tillë mbetet nën kujdesin e posaçëm të grupeve kriminale dhe kur duan të bëjnë një ngjarje kriminale e realizojnë atë”, tha Imeraj.