Hakëmarrja përgjaku ditën e dielë Kavajën dhe hasmi u vra në sytë e të atit. Një krim i ftohtë që i mori jetën Arjan Gosës nga Habib Rexha, është një këmbanë alarmi për plagën e vjetër në vend që është gjakmarrja.
31-vjeçari Rexha qëlloi Gosën me plumb në kokë, teksa ky i fundit po pinte kafe me të atin në një lokal pranë shkollës 9-vjeçare “Rilindja”, në Kavajë. Më pasi ai u largua nga lokali në këmbë, ndërsa një automjet e priste pak më tutje vendit të ngjarjes. Policia e Shtetit njofton se ka vënë 10 mijë euro shpërblim për këdo që ofron informacione të vlefshme në rrugë operative për kapjen e Habib Rexhës.
Motivi i ekzekutimit, sipas grupit të hetimit, është ajo e hakmarrjes nga ana e fisit Rexha për vrasjen e dyfishtë të fund marsit në Kavajë, ku mbeti i vrarë vëllai i viktimës dhe Altin Rexha. Asokohe, Armand Gosa goditi me thikë Altin Rexhën, ndërsa ky i fundit e qëlloi me armë. Dhe si pasojë e plagëve të rënda që i shkaktuan njëri-tjetrit, humbën jetën të dy.
Arjan Gosa u kthye nga Italia kur i vdiq vëllai dhe nuk u largua më nga Shqipëria deri ditën kur i zunë pritë dhe e vranë. Me vdekjen e tij tragjedia për familjen Gosa në Kavajë bëhet edhe më e rëndë, por a do të ketë më viktima?