Shuhet familja në Iran. Një person ka qëlluar me armë zjarri shtatë anëtarë të familjes së gruas së tij në qytetin jugperëndimor të Dezful, bëjnë të ditur mediat vendase.
Agjencia shtetërore e lajmeve IRNA, tha të dielën se sulmuesi kishte përdorur një armë Kalashnikov duke lënë të vdekur në vend pesë burra dhe dy gra, përpara se të qëllonte veten. Mësohet se autori i masakrës ka shpëtuar dhe është dërguar në spital. Ky nuk është rasti i vetëm që një person ekzekuton të gjithë familjen.
Në muajin Janar të vitit 2017, një sulmues kishte vrarë pesë persona në qytetin Arak. Një muaj më vonë, një burrë kishte vrarë dhjetë familjarë të tij në një zonë rurale në jug të vendit.