FNSH, FLO dhe forcat Shqiponja kanë zbarkuar në Elbasan ku po kryejnë kontrolle të imtësishme. Mësohet se në qytet janë ngritur të paktën 3 postblloqe dhe fokusi i forcave policiore është mbi makinat luksoze të cilat i ushtrohen kontrollit.
Gjithashtu objektiv për policinë është kapja e personave të shpallur në kërkim dhe e personave të skeduar më parë nga policia. Burime zyrtare bëjnë me dije se operacioni në fjalë ka nisur që mbrëmjen e djeshme. Gjatë kësaj kohe janë kontrolluar dhe shoqëruar disa persona në disa ambiente të ndryshme, për të cilët policia dyshon se luajnë lojëra fati.
Në momentin që flasim, në Elbasan ndodhen dy grupe të FNSH-së, ku njëri prej tyre do të qëndrojë në postbllok ndërsa grupi tjetër do të patrullojë në qytet i shoqëruar nga forcat “Shqiponja”. Postblloqet e ngritura janë të pozicionuara në Bradashesh dhe tek kthesa e quajtur “Kadiu”.