Një ngjarje e rëndë ka ndodhur para pak minutash në Elbasan, ku në një bar në qendër të qytetit është ekzekutuar avokati Ravik Gurra, 45 vjeç.
Trupi i avokatit ende nuk është larguar nga vendngjarja, ndërkohë që policia pret prokurorët dhe ekspertët për kqyrjen e vendit të ngjarjes.
Ai është qëlluar me pistoletë me silenciator me katër plumba. Dyshohet se autorët ishin me motor dhe kanë humbur gjurmët duke u larguar brenda kalasë së qytetit.
Policia ka rrethuar me shirita gjithë bar kafenenë. Në momentin e parë ende nuk thuhet asgjë për viktimat apo autorët.