Zyrat e platformës së mediave sociale X, e themeluar nga Elon Musk, po kontrollohen nga autoritetet franceze, njofton Prokuroria e Parisit.
Sipas një deklarate të postuar në X, hetimet po kryhen nga njësia e saj për krimet kibernetike, ndërsa në operacion po asiston edhe Europol.
Hetimi lidhet me një çështje të hapur në janar të vitit 2025. Prokuroria tha gjithashtu se Elon Musk dhe ish-drejtoresha ekzekutive e X, Linda Yaccarino, janë thirrur për të marrë pjesë në dëshmi gjatë muajit prill, si pjesë e hetimeve. Platforma X ende nuk ka dhënë përgjigje; BBC e ka kontaktuar për një koment.
Prokuroria njoftoi gjithashtu se nga tani do të komunikojë mbi zhvillimet e çështjes përmes rrjeteve sociale LinkedIn dhe Instagram, duke lënë mënjanë X.