Kryeministri anglez, Keir Starmer është zotuar se do të luftojë emigracionin e paligjshëm. Sipas Starmer emigrantët kanë përmbytyr Britaninë e Madhe dhe se ai do të mbyllë çdo rrugë të mundshme që përdoren për të hyrë në territorin e tyre.
Ai e ka cilësuar si autostradë kriminale rrugën që përshkohet nga emigratët për të shkuar në Angli. Sipas tij përmes Ballkanit Perëndimor do të arrijë të ndalojë emigracionin drejt vendit të tij.
Ai shton se trafikantët kanë ndërtuar një perandori kriminale që shtrihet në të gjithë Evropën të cilën sipas tij Mbretëria e Bashkuar duhet ta mbyllë.
“Ekziston një autostradë kriminale që kalon nëpër Ballkanin Perëndimor, duke i çuar emigrantët e paligjshëm direkt në Mbretërinë e Bashkuar. Detyra jonë është ta mbyllim dhe të shkatërrojmë bandat që e drejtojnë” tha ai.
Starmer komentoi edhe deklaratat e Nigel Farage, lideri i Reform UK. Sipas kryeministrit britanik Farage ka zgjedhur të fyejë vende si Shqipëria, në vend që të punojë me to për zgjidhjen e problemit. Zyrtarët e Ministrisë së Brendshme thonë se rreth një e katërta e mbërritjeve me varka të vogla udhëtojnë nëpër Ballkan.