Plani i qeverisë britanike për të dëbuar emigrantët në Ruandë është i paligjshëm. Në këtë përfundim ka arritur Gjykata e Lartë në Britani të Madhe, që i jep përpjekjeve të qeverisë konservatore për të dëbuar emigrantët nga vendit në kampe mijëra kilometra larg. Në këtë mënyrë, politika kyçe e imigracionit e kryeministrit Rishi Sunak ka marrë një goditje pasi gjykata refuzoi planet e qeverisë për të dëbuar njerëzit që kërkojnë azil në Ruanda.
Qeveria pretendoi se skema e Ruandës do të ishte një pengesë kryesore për rritjen e numrit të azilkërkuesve që arrijnë në Mbretërinë e Bashkuar nëpërmjet varkave të vogla që udhëtojnë nëpër Kanalit që e lidh atë me Francë, një pretendim që është refuzuar nga organizatat bamirëse të refugjatëve.
Vendimi vjen një ditë pasi sekretarja e Brendshme e shkarkuar, Suella Braverman, lëshoi një letër nxitëse duke akuzuar kryeministrin për thyerjen e një marrëveshjeje për të futur klauzola në ligjin e Mbretërisë së Bashkuar që do të kishte “bllokuar” sfidat ligjore sipas Konventës Evropiane për të Drejtat e Njeriut (ECHR) dhe Ligjin për të Drejtat e Njeriut.