Teksa prej 4 ditësh Rusia po bombardon Ukrainën shumë vendas po largohen për t’i shpëtuar luftës, mirëpo shumë të tjerë po kthehen në vend për të luftuar kundër ushtrisë së Putin.
Kështu, roja kufitare e Polonisë tha të dielën se rreth 22 mijë qytetarë kanë hyrë në Ukrainë që nga fillimi i luftës.
Në pikën e kontrollit në Medyka, në Poloninë juglindore, shumë persona ishin po qëndronin në rresht herët të dielën për të kaluar në Ukrainë.
“Ne duhet të mbrojmë atdheun tonë. Kush tjetër, nëse jo ne?” tha një burrë teksa qëndronte përpara një grupi prej rreth 20 shoferësh kamionësh ukrainas që po ecnin drejt pikës së kontrollit.
Një burrë tjetër tha: “Rusët duhet të kenë frikë. Ne nuk kemi frikë.”
Presidenti ukrainas, Volodymyr Zelensky, ka ndaluar burrat e moshës ushtarake, nga 18 deri në 60 vjeç, të largohen nga vendi.
Autoritetet ukrainase u kanë bërë thirrje gjithashtu vullnetarëve të huaj që të vijnë në vendin e tyre dhe të luftojnë.
Ndërkohë, vendi ka patur mbështetje të shumtë financiare nga jashtë, ku analistët e kriptomonedhave kanë konfirmuar se të paktën 9 milion dollarë (6.7 milion £) janë dhuruar për Ukrainën përmes disa donacioneve anonime të Bitcoin.
Studiuesit në “Elliptic”, një kompani e analizës së blockchain, thonë se qeveria ukrainase, OJQ-të dhe grupet vullnetare i kanë mbledhur paratë duke reklamuar adresat e portofolit të tyre bitcoin në internet.