Një emigrant shqiptar në Greqi është arrestuar për dhunë në familje. 40-vjeçari me banim në Volos akuzohet se dhunonte sistematikisht bashkëshorten.
Në incidentin e fundit të ndodhur të premten e kaluar, emigranti shqiptar ka tentuar që t’i thyejë krahun.
Këtë veprim, ai e ka ndërmarrë për shkak të zemërimit me pretendimin se nuk kujdesej sa duhej për shtëpinë.
Bashkëshortja, po shqiptare, ka thënë për policinë se burri ishte kthyer në shtëpi në gjendje të dehur.
Burri i ka bërtitur asaj dhe në nerva e sipër i ka kapur krahun për t’ia thyer. Pas këtij episodi, gruaja ka marrë fëmijën dhe është larguar nga shtëpia.
40-vjeçari akuzohet për plagosje të rëndë dhe dhunë.