Emisioni i njohur i humorit dhe aq shumë i dashur për shqiptarët, Portokalli ka ndërprerë transmetimet. Në kushtet e karantinës, është bërë pothuajse e pamundur vazhdimi i punës me cilësine e duhur teknike të produksionit. Këtë e ka bërë të ditur vetë stafi i “Portokalli” me anë të një mesazhi në rrjetet sociale.
“Publik i dashur i Portokallisë.
Kushtet e karantinës e bëjnë të pamundur realizimin në kohë dhe me cilësinë e duhur teknike produksionin tonë.
Në këto rrethana si të gjithë Shqiptarët ne kemi vendosur të mendojmë se pari për mirëqenien e trupës dhe stafit mbështetës pa të cilët ky emision është i parealizueshëm.
Shumë shpejt Portokallia do të rikthehet në ekran me gjithë shkëlqimin e saj të pa imitueshëm. Projekti jonë i vetëm është ai me Top Channel, adresa ku Portokallia u krijua. Deri atëherë kujdesuni për veten dhe të dashurit tuaj.
Ju duam shumë.
Stafi i Portokalli”, shkruhet në komunikim.