Elisa Spiropali është ministrja e re për Marrëdhëniet me Parlamentin. Në emisionin “JAVA” në RTSH, ajo tregoi përshtypjet pas vendimit të kryeministrit Rama për ta bërë atë pjesë të kabinetit qeveritar.
Spiropali u shpreh se emërimi i saj ishte surprizë, ndërsa sa i takon përzgjedhjes së ministrave gjatë ditës së djeshme, ajo tha se Rama është konsultuar paraprakisht, por vendimi ka qenë plotësisht i tij.
“Nuk e dija as unë, as persona të tjerë besoj. Mund të quhet një diskrecion i kryeministrit, pasi është konsultuar me shumë, por emrat i vendosi Rama. Kur ju më telefonuat unë isha në makinë duke shkuar në Asamble, nuk e kisha këtë dijeni” tha Spiropali.