Gjykata e Korçës ka caktuar sot masën e sigurisë për disa prej të arrestuarve gjatë operacionit antidrogë të zhvilluar disa ditë më parë në këtë qytet. Ata janë: Klajdi Avramushi, Juxhin Kulla, Mateos Aliko, Olger Hasan, Rodolf Mara, Romeo Starovecka.
Për këta personat gjykata vendosi:
– Lënia në fuqi të masës së sigurimit “arrest në burg” parashikuar nga neni 238 i K. Pr. Penale vendosur me vendimin Nr.106 Regj, date 19.04.2022, të Gjykatës së Rrethit Gjyqësor Korçë.
Gjithashtu Gjykata e Korçës vendosi masën “arrest në burg” edhe për Kristo Shkëmbi dhe Emanuel Muka.
Kujtojmë se operacioni në fjalë u zhvillua pas një hetimi intensiv të startuar pesë muaj më parë, për goditjen e veprimtarisë kriminale në fushën e prodhimit dhe shitjes së narkotikëve ku u proceduan penalisht 101 shtetas (24 të arrestuar, 7 të shpallur në kërkim dhe 70 të tjerë nën hetim penal) dhe u sekuestruan sasi të ndryshme droge, sasi vlerash monetare, peshore elektronike, automjete, një radio marrëse policie dhe një përforcues grushti.