Ditën e nesërme pas betimit tek Presidenti, 8 prokurorët e SPAK do të nisin detyrën e re në Prokurorinë e Posaçme. Do të krijohet gjithashtu edhe Gjykata e Shkallës së Parë dhe e Apelit kundër korrupsionit dhe krimit të organizuar ose GJKKO. Ndryshe nga prokurorët e SPAK të cilët u përzgjodhën duke kandiduar, gjyqtarët e GJKKO kanë dhënë pëlqimin, për të qenë pjesë e Gjykatës së Posaçme.
Në apelin e Gjykatës së Posaçme me mandat të përhershëm do të jenë:
-Albana Boksi
-Nertina Kosova
-Dhimitër Lara
-Saida Dollani
-Sokol Binaj.
Duke qenë se kanë dhënë pëlqimin për të qene pjesë e GJKKO ata do të qëndrojnë në Apel duke ushtruar detyrën e tyre deri në daljen e tyre në pension.
Ndërsa për Gjykatën e Shkallës së Parë do të ketë një mandat të kufizuar dhe të përbërë nga 13 anëtarë, përkatësisht:
-Nure Dreniu
-Daniela Shirka
-Etleva Deda
-Flora Haredinaj
-Irena Gjoka
-Marsela Balili
-Miliana Muca
-Ardit Mustafaj
-Bib Ndreca
-Fran Prendi
-Klodian Kururshi
-Sander Simoni
Ndërkohë nuk dihet ende se çfarë fati do të kenë Gjyqtarët e tjerë të cilët janë pezulluar nga detyra pasi kanë “ngecur” në vetting. Ata duhet të ushtrojnë detyrën e tyre, deri në një vendim përfundimtar që do të vendosë nëse do të vazhdojnë të jenë pjesë e organeve të drejtësisë ose jo.
Do të duhet të transferohen në gjykata të tjera:
-Dhurata Haveri
-Themi Petku
-Gjovalin Përnoca
-Gurali Brahimllari
-Idriz Mulkurti
-Luan Hasneziri
Ndërkohë Dritan Halluni kaloi dje me sukses procesin e Vettingut. KPK e konformoi gjyqtarin në detyrë pas procesit të verifikimit bazuar në kriteret e pasurisë dhe figurës.