Atentati me armë zjarri mbrëmjen e sotme në Lushnje ka sjellë plagosjen e 3 qytetarëve të rastësishëm të cilët ishin të ulur në lokalin ku u ekzekutua 40-vjeçari Bledar Muçaj.
Mèsohet identiteti e 3 personave të plagosur ku mes tyre është edhe një vajzë. Bëhet fjalë për Judin Velon, Ervis Tafën dhe Sara Liçin.
Ata kanë qenë të ulur në lokal në momentin kur autorët e vrasjes qëlluan me armë drejt subjektit.
Sipas njoftimit të policisë, ata janë dërguar në spital dhe ndodhen nën kujdesin e mjekëve jashtë rrezikut për jetën.
Aktualisht policia ka ngritur pika kontrolli në të gjitha hyrje-daljet e qytetit për të bërë të mundur identifikimin dhe arrestimin e autorëve.