Vdekja e punonjëses së sigurisë në portin e Durrësit, Artineda Haskasa pasi u tërhoq nga një trajler, ka dëshpëruar familjarët dhe miqtë e saj. Në rrjet kanë nisur reagimet dedikuar saj, të cilat shprehin ngushëllimet dhe kujtojnë me mall 25-vjecaren, e cila nuk jeton më.
“Ëngëlli më i bukur i parajsës, qofsh e xhenetit. Shpirti i motrës”, shkruan një e afërme e saj. Ndërsa një tjetër mik i saj shkruan: “U prehsh në paqe e dashur Artineda”.
Edhe Autoriteti Portual Durrës ka reaguar në faqen zyrtare në “Facebook”, për ngjarjen e rëndë të ndodhur ditën e sotme në Portin e Durrësit.
Reagimi:
Sot e gjithë familja e madhe e APD-së është thellësisht e pikëlluar nga humbja tragjike e jetës e koleges tonë Artineda Haskasa.
I shprehim ngushëllimet tona të përzemërta familjarëve dhe miqve të Artinedës dhe i gjendemi pranë familjes së saj në këto momente të vështira. Nuk do jeni kurrë vetëm!
Në bashkëpunim me Policinë e Durrësit dhe organet hetimore, të gjitha divizionet e APD-së janë angazhuar maksimalisht në funksion të zbardhjes së rrethanave të ngjarjes tragjike, në një territor të rëndësisë së veçantë! Uniforma që mbante veshur sot kolegia jonë, meriton respekt dhe mirënjohje pafund! Dritë të pastë shpirti!