Përpos kryeministrit Edi Rama dhe kryedemokratit Sali Berisha, në qytetin e ballokumeve duket se ka shkuar edhe kreu i Grupit Parlamentar të Partisë Demokratike, Enkelejd Alibeaj. Ai është mbledhur me miq, bashkëpunëtorë dhe demokratë të Elbasanit këtë të martë.
“Në ditën e parë të verës në qytetin simbol të kësaj feste. Mes miqve të mirë, bashkëpunëtorëve dhe demokratëve elbasanas dhe atyre që kanë mbërritur nga gjithë Shqipëria. Qoftë kjo ditë sipari i pranverës së vërtetë për të gjithë shqiptarët. Gëzuar”,-shkruan Alibeaj në postimin e tij.
Më herët gjatë ditës kreu i demokratëve Sali Berisha u bëri thirrje qytetarëve të Elbasanit që të mbështesin Luçiano Boçin në zgjedhjet e 14 majit.