Prezantuesi i emisionit “Quarta Repubblica”, në kanalin televiziv italian “Retequattro”, Nicola Porro ka rezultuar pozitiv me koronavirus.
Grupi televiziv “Mediaset” pezulloi menjëherë programin, si masë parandaluese shëndetësore dhe ftoi të gjithë personat që janë pjesë e redaksisë së “Quarta Repubblica” të rrinë të izoluar në shtëpi.
Programi televiziv nuk do të transmetohet, deri në pritje të zhvillimeve të mëtejshme të situatës.
Ky është rasti i dytë në “Mediaset”, pas atij të një punonjësi të programit “le Iene”, në “Italia 1”.