Ndryshimet klimatike janë turbinë e epidemive. Impaktet e ndryshimit të temperaturave, rritja e tyre kryesisht, por edhe fenomenet ekstreme meteorologjike, përfshirë reshjet intensive, ushqejnë epidemitë duke krijuar kushte që lehtësojnë e përshpejtojnë riprodhimin e mushkonjave, që transmetojnë sëmundje.
Sipas një studimi të realizuar nga Universiteti Amerikan i Stanford, bazuar edhe në teknikat statistikore, konfirmohet se 60% e rasteve të dengue në Peru ishin direkt të lidhura me nxehtësinë dhe shirat e shumta.
Është studiuar rasti i Perusë, ku në vitin 2023 një ciklon i fortë dhe klimë shumë e lagësht janë pasuar me një epidemi të dengue 10 herë më të zgjeruar në krahasim me gjendjen normale. Dengue është një sëmundje që transmetohet nga mushkonjat dhe prek çdo vit dhjetëra milionë njerëz në mbarë botën, dhe sipas statistikave të OBSH-së është dhjetëfishuar në krahasim me vitet 2000.
Puna studimore, por edhe strategjitë që mund të ndiqen, janë publikuar në revistën shkencore One Earth.