Sikundër u bë e ditur edhe një ditë më parë, presidenti i Turqisë, Recep Tayyip Erdogan zhvilloi të hënën një bisedë telefonike me homologun rus, Vladimir Putin.
Gjatë kësaj telefonate u diskutuan marrëdhëniet Turqi-Rusi dhe çështjet rajonale, ku në fokus ishte lufta Ukrainë-Rusi.
Raportohet se Putin i tha homologut të tij turk se Moska është e gatshme të punojë me Ankaranë për të liruar portet ukrainase që ka bllokuar, teksa Kremlini po vazhdon pushtimin e Ukrainës.
Putin theksoi “gatishmërinë” e Rusisë “për të kontribuar për transitin e papenguar detar të mallrave në koordinim me partnerët turq”, citohet të ketë thënë Putin.
“Kjo vlen edhe për eksportet e drithërave nga portet ukrainase”, tha Putin.
Nga ana tjetër, Erdogan shprehu gatishmërinë e Turqisë për një takim me Rusinë, Ukrainën dhe Kombet e Bashkuara në Stamboll dhe për të luajtur rol në një mekanizëm vëzhgues të mundshëm, nëse të dyja palët bien dakord në parim.