Presidenti i Turqisë, Recep Tayyip Erdogan ka bërë me dije se nëse fiton zgjedhjet presidenciale, do të jetë mandati i tij i fundit, për t’ia dorëzuar stafetën “rinisë”.
“Kërkojmë për herë të fundit mbështetjen nga populli ynë në vitin 2023”, tha lideri turk gjatë një fjalimi në Samsuda.
“Ne do t’ia dorëzojmë këtë flamur të shenjtë rinisë sonë”, shtoi ai.
Kujtojmë se Erdogan është në pushtet që nga viti 2003, dhe Partia e tij islamike-konservatore për Drejtësi dhe Zhvillim (AKP) shpreson të mbajnë kontrollin e vendit në zgjedhjet parlamentare dhe presidenciale në qershor të vitit 2023.