Presidenti turk, Rexhep Tajip Erdogan ka paralajmëruar Greqinë se do të paguajë një çmim të rëndë nëse provokon avionët luftarakë turq mbi Egje.
Lideri turk e bëri këtë deklaratë gjatë një fjalimi që mbajti në panairin TEKNOFEST në Samsun të Turqisë.
“Grekër, kthehuni në histori, nëse shkoni shumë larg, çmimi do të jetë i rëndë, i rëndë. Ne kemi vetëm një fjali për Greqinë, mos harroni Izmirin. Pushtimi i ishujve na detyron të bëjmë atë që është e nevojshme kur të vijë koha. Siç themi, mund të vijmë papritur një natë.”
Erdogan akuzoi edhe Shtetet e Bashkuara të Amerikës se po mbështesin Athinën që të armatosin ishujt e Egjeut.