Presidenti turk, Recep Tayyip Erdogan tha se Krimea i përket Ukrainës.
“Kthimi i Krimesë në Ukrainë, pjesë e pandashme e së cilës është një nevojë thelbësore nga aspekti i së drejtës ndërkombëtare”, deklaroi ai përmes videomesazhit në samitin e dytë të Platformës së Krimesë.
Erdogan tha se Ankaraja do të vazhdojë të mbështesë Platformën e Krimesë, e cila u krijua për të zgjidhur çështjen e gadishullit në mënyrë paqësore. “Pozicioni parimor i Turqisë nuk ka vetëm baza ligjore, por edhe morale”, shtoi ai.