Prej kohësh është përfolur në media të ndryshme se vajza e ish-deputetes Majlinda Bregu, Kejda dhe djali i ish-Guvernatorit të Bankës së Shqipërisë, Erik Fullani janë në një lidhje.
Fillimisht ishin disa postime në rrjetet sociale të Erikut dhe Kejdës ato që tërhoqën vëmendjen e të gjithëve dhe që shtuan dyshimet për një romancë të mundshme. Më pas ata kanë vizituar të njëjtat vende, në të njejtën ditë dhe me veshje të njëjta si dhe gjithashtu janë fotografuar bashkë.
Siç duket çifti tashmë ka vendosur që të mos fshihet më. Teksa më përpara kujdeseshin për postimet e tyre, tashmë Kejda dhe Eriku nuk ngurrojnë që të publikojnë foto nga i njëjti vend. Ditën e djeshme ata kanë qenë të pranishëm në një vend bregdetar dhe në postimet e publikuara shihen në të njëjtin ambient teksa po shijojnë pamjen, duke përforcuar kështu aludimet që janë bashkë.
